டெல்லி மாநில நுகர்வோர் குறைதீர் ஆணையம் , டாக்ஸி வருகையில் ஏற்பட்ட தாமதத்திற்கு நஷ்ட ஈடு வழங்க உபேர் இந்தியா பொறுப்பு என்று மாவட்ட நுகர்வோர் ஆணையத்தின் முடிவை உறுதி செய்தது

டெல்லி மாநில நுகர்வோர் குறைதீர் ஆணையம் , டாக்ஸி வருகையில் ஏற்பட்ட தாமதத்திற்கு நஷ்ட ஈடு வழங்க உபேர் இந்தியா பொறுப்பு என்று மாவட்ட நுகர்வோர் ஆணையத்தின் முடிவை உறுதி செய்தது. மேலும், ஓட்டுநர் சரியான நேரத்தில் வராததும், சரியான நேரத்தில் மாற்று ஏற்பாடு செய்யத் தவறியதும் சேவைக் குறைபாட்டை அதிகப்படுத்துகிறது என்று தீர்ப்பளித்தது.

Article by V R Saravanan, Advocate, Puducherry, Cell:- 9994854777

ஒரு டாக்டர், இந்திரா காந்தி சர்வதேச விமான நிலையத்திற்கு உபேர் டாக்ஸியை முன்பதிவு செய்கிறார். ஆனால் ஓட்டுநர் வரவில்லை, மாற்று ஏற்பாடுகளும் இல்லை. விமானத்தைப் பிடிக்க முடியாமல் போனதோடு, ஒரு நண்பரின் திருமண விழாவையும் தவறவிடுகிறார்.

இதனால் மன உளைச்சலுக்கு ஆளான டாக்டர், உபேர் மீது வழக்குத் தொடுக்கிறார். மாவட்ட நுகர்வோர் ஆணையம், உபேர் சேவைக் குறைபாடு மற்றும் நியாயமற்ற வர்த்தக நடைமுறையில் ஈடுபட்டதாகக் கூறி, பயணச் செலவு, மன உளைச்சல், மற்றும் வழக்குச் செலவுகளுக்காக மொத்தமாக ₹54,100 செலுத்த உத்தரவிடுகிறது.

உபேர் மேல்முறையீடு செய்தாலும், மாநில நுகர்வோர் ஆணையம் மாவட்ட ஆணையத்தின் தீர்ப்பை உறுதிசெய்து, உபேர் தனது பொறுப்பிலிருந்து தவறிவிட்டதாகத் தீர்ப்பளித்தது. இதனால், உபேர் நிறுவனமே ஓட்டுநரின் தாமதத்திற்கும், மாற்று ஏற்பாடு செய்யத் தவறியதற்கும் பொறுப்பு என்று சட்டம் உறுதிப்படுத்தியுள்ளது.

வழக்குத் தலைப்பு: உபேர் இந்தியா சிஸ்டம்ஸ் பிரைவேட் லிமிடெட். எதிர் திரு. உபேன் சிங் [FA. NO./637/2023]