கேரள உயர்நீதிமன்றம்: குற்றவியல் வழக்கு நிலுவையில் இல்லையென்றால் கடவுச்சீட்டு(Passport) புதுப்பிக்க நீதிமன்ற அனுமதி தேவையில்லை என்று மீண்டும் வலியுறுத்தியுள்ளது,

கேரள உயர்நீதிமன்றம்: குற்றவியல் வழக்கு நிலுவையில் இல்லையென்றால் கடவுச்சீட்டு(Passport) புதுப்பிக்க நீதிமன்ற அனுமதி தேவையில்லை

என்று மீண்டும் வலியுறுத்தியுள்ளது,

நீதிமன்றத்தில் எந்த விதமான குற்றவியல் நடவடிக்கைகளும் நிலுவையில் இல்லை என்றால், கடவுச்சீட்டு(Passport) வழங்கும் அதிகாரம் மற்றும் கடவுச்சீட்டை வழங்குவது குறித்து முடிவெடுக்க Passport அலுவலகத்திற்கு சுதந்திரம் உள்ளது என்று கூறியுள்ளது. 

காவல் நிலைய அதிகாரி இறுதி அறிக்கை தாக்கல் செய்யப்படாமலும், விசாரணை நீதிமன்றத்தால் கவனத்தில் கொள்ளப்படாமலும் இருந்தால், எந்த நீதிமன்றத்திலும் குற்றவியல் வழக்கு நிலுவையில் இல்லை என்றால், கடவுச்சீட்டை புதுப்பிக்க அனுமதி தேவையில்லை என்று கேரள உயர் நீதிமன்றம் மீண்டும் வலியுறுத்தியுள்ளது. 

மனுதாரர் மீது எஃப்.ஐ.ஆர் நிலுவையில் இருந்ததால், அவருக்கு கடவுச்சீட்டு புதுப்பிக்க நிபந்தனைகளுடன் அனுமதித்த சிறப்பு நீதிமன்றத்தின் உத்தரவை ரத்து செய்யக் கோரி ஒரு மனு தாக்கல் செய்யப்பட்டது. 

நீதிபதி ஏ. பத்ருதீன் அமர்வு, தாதீவோஸ் செபாஸ்டியன் எதிர் பிராந்திய கடவுச்சீட்டு அலுவலகம் & அன்ஆர் (2021) வழக்கில் உயர் நீதிமன்றத்தின் தீர்ப்பின்படி  மீண்டும் வலியுறுத்தி, "எஃப்.ஐ.ஆர் பதிவு செய்யப்பட்டிருந்தாலும், இதுவரை விசாரணை முடிக்கப்படவில்லை... கடவுச்சீட்டு(Passport) சட்டத்தின் பிரிவு 6(2)(f) இன் படி  மனுதாரருக்கு எதிராக எந்த குற்றவியல் வழக்கு நடவடிக்கைகளும் நிலுவையில் உள்ளதாகக் கருத முடியாது. எனவே, மனுதாரரின் கடவுச்சீட்டை புதுப்பிக்க நீதிமன்றத்தின் அனுமதி தேவையில்லை" என்று குறிப்பிட்டது.

மனுதாரர் சிறப்பு நீதிமன்றத்தில் கடவுச்சீட்டு புதுப்பிக்க விண்ணப்பித்தார், மேலும் ஊழல் தடுப்புச் சட்டம், 1988 இன் பிரிவு 13(2) உடன் பிரிவு 13(1)(e) இன் கீழ் மனுதாரர் மீது எஃப்.ஐ.ஆர் பதிவு செய்யப்பட்டிருந்ததால், அது நிபந்தனைகளுடன் புதுப்பிக்கப்பட்டது. இருப்பினும், விசாரணை முடிவடையவில்லை, எனவே இறுதி அறிக்கை தாக்கல் செய்யப்படவில்லை மற்றும் நீதிமன்றத்தால் கவனத்தில் கொள்ளப்படவில்லை. மனுதாரர் சிறப்பு நீதிமன்றத்தில் கடவுச்சீட்டு புதுப்பிக்க விண்ணப்பித்தார், மேலும் அது அனுமதிக்கப்பட்டது, இருப்பினும், மனுதாரர் தனது கடவுச்சீட்டை ஒப்படைக்க வேண்டும், நீதிமன்றத்தின் அனுமதி இல்லாமல் இந்தியாவை விட்டு வெளியேறக்கூடாது, பாதுகாப்புத் தொகையாக ரூ. 20,000 செலுத்த வேண்டும் போன்ற நிபந்தனைகளுடன் அனுமதி வழங்கப்பட்டது.

விசாரணை முடிவடையாததாலும், இறுதி அறிக்கை தாக்கல் செய்யப்படாததாலும், கடவுச்சீட்டு(Passport) சட்டம், 1967 இன் பிரிவு 6(f) இன் அர்த்தத்திற்குள் எந்த குற்றவியல் நடவடிக்கைகளும் ஒரு குற்றவியல் நீதிமன்றத்தில் நிலுவையில் இருப்பதாகக் கூற முடியாது என்பது மனுதாரரின் வாதமாக இருந்தது. இத்தகைய சூழ்நிலைகளில், மனுதாரர் தனது கடவுச்சீட்டை புதுப்பிக்க சிறப்பு நீதிமன்றத்தில் விண்ணப்பிக்க வேண்டிய அவசியமில்லை என்றாலும், அவர் ஒரு தவறான புரிதலில் விண்ணப்பித்தார். எனவே, மனுதாரர் மீது நிபந்தனைகளை விதித்த சிறப்பு நீதிமன்றத்தின் உத்தரவை ரத்து செய்ய மனுதாரர் கோரினார்.

நீதிமன்ற தீர்ப்பு 

கேரள உயர்நீதிமன்றம் இந்த விவகாரம் தொடர்பான பல்வேறு தீர்ப்புகளைக் குறிப்பிட்டு, "இறுதி அறிக்கை தாக்கல் செய்யப்படாமலும், நீதிமன்றத்தால் கவனத்தில் கொள்ளப்படாமலும் இருந்தால், எந்த நீதிமன்றத்திலும் குற்றவியல் நடவடிக்கைகள் நிலுவையில் இல்லை, மேலும் கடவுச்சீட்டு அதிகாரம் நீதிமன்றத்தின் அனுமதி இல்லாமல் கடவுச்சீட்டை வழங்குவது குறித்து முடிவெடுக்க சுதந்திரமாக இருக்கிறது" என்று குறிப்பிட்டது. அதன்படி, அசல் மனு (குற்றவியல்) அனுமதிக்கப்பட்டது மற்றும் விசாரணை நீதிமன்றத்தால் விதிக்கப்பட்ட நிபந்தனை ரத்து செய்யப்பட்டது, மனுதாரர் சட்டப்படி கடவுச்சீட்டை புதுப்பிக்க விண்ணப்பிக்க சுதந்திரம் அளித்தார் என்று தீர்ப்பு வழங்கியது.

வழக்கு பெயர்: ராஜு கட்டக்காயம் எதிர் கேரளா மாநிலம் & அன்ஆர் (நடுநிலை மேற்கோள்: 2025:KER:40962)

Tamil translation by

V.R.Saravanan,
Advocate
Puducherry 
Cell:- 9994854777